قصيده في الجيب الشراع

___________( الـشــاص)______________

يا علي ما يـطـرب الشـخـص وايـهـيّـج صـبـاه
-------------- غير جـيـب ٍ يطـوي الأرض بالسـرعـه طــوي

جـيـب الشراع ٍ فــيه من كلّ وصـف ٍ منـتـهـاه
-------------- غــايـــة اللي للـخـــلا والـحــبـاري مـهــتــوي

كمّـلـهْ راعـيــه بِشـْـراع واكـمــل مـحــتــواه
-------------- والْـبـِسِـهْ من فـوقـهـا حــلّـة الحـسن الـــرّوي

اطـخــم ٍ ما شـافـت الـعيـن شيٍّ في حــلاه
-------------- فــارد ٍ بـالــوصــف مـالـه شـبــيــه وْلا سِـوي

بـهْ طـنـاخــة واحــد ٍ جــامـع ٍ معـهـا غـنــاه
-------------- بـهْ صـــلافـــة مـجـــرم ٍ قــاسـي ٍ مـا يـلـتــوي

بـديـه الممشـوق من مـقـْـدمهْ إلـيـا قـفــاه
-------------- بـدي بنـت ٍقـلـبـهــا بالـمــحــبّـه مـنـكـــــوي

هـاضـنـي وصـفـهْ وانـا من صـبـاحي لامسـاه
-------------- آتـمـقــّل وقـــفـــتــهْ واتـأمّــل واحــتـــوي

وقـفـتـِهْ وقـفــةْ مـذيـعــه انـيـقـه في قــنـــاه
-------------- بسِّ شـكله شـكل ذيـب ٍ عـريـض ٍ مرتــوي

مـنسـرح كـنـّه ذلــول ٍ على جـبـهـة غـــزاه
-------------- منـبســط كـنـّه قـطــاة ٍ على مِــرْح ابْـــدوي

صـاغــه اللي صــاغ يـن الـعـمــوله وانـتـقـاه
-------------- واشـبـِعـِـهْ بالـتـقـنـيـه واشـْـربــِهْ عـــزم ٍ قـــوي

لانـتـهـض كـنـّـه جــواد ٍ يبي يـطمر حصـاه
-------------- ولانـطـلـق كـنـّه رصــاص ٍ عـلى درع اشـْـلـوي

ولانـعـطـف بالـدرب وافـتـر على كل اتـجـاه
-------------- مـا تـقـول الاّ خـصــر راقـصـــه يــهـوي هــوي

اشهـد انّ الشـّاص مـوتـر طحـاطـيـح وْعُـتـاه
-------------- قــوِّتِـهْ قــوّهْ .. وِهــيـبَـتـْهِ هـيــبــة فـهـلـــوي

مـركـبِـهْ يـوحي لك انـك وسـَط مجـلس ولاه
-------------- وكلِّ من حــولك جــواري وخـمـر ٍ نـخـبـوي

ويـلَـلِـي..ويـلـي..وَلـي..مـنـْه يا ويـلـي..عــلاه
-------------- مــو تــر ٍ طـايـش ورايـش وجـــدّاً فــوضــوي

اقـشــر ٍمـا أهــونِـهْ بـالـمســالـك والـهــبــاه
-------------- هـيـّن ٍ مـا أقـشــرهْ بالـتـحـــدي والـطـّــوي

والله انـك لا كـبســتـهْ وروّح عـن ســـــواه
-------------- خـلْـت بـجْـنـوبـهْ مــراوح وذيــل ٍمــنـزوي

وان لمحـتـه مـارق ٍ بيـن غـرمـول وْغـضـاه
-------------- قـلـت ظـبـي ٍ ذيَّــرتــْـه الـذيــابــه بالــعـــوي

وان سمـعـتـه ماشي ٍ فـوق بطـناج وفــلاه
-------------- قـلـت طـلـقـة مدفــع ٍ بالـفـضــا تـدوي دوي

تــارة ٍ تســمـع وشـيش الـحـصـى يضـرب وراه
-------------- وتـارة ٍ تســمـع لـهَ انغام وحــنـّه وحـْــدوي

هـــزّني صــوتـه وهـو مـنـدفــع يقـطــع خـــلاه
-------------- والـهــوى من ســرعـتــه يصـطـفـقـبـه ويْـعـَـوي

مــرةٍ أســري هـنـا.. مــرةٍ أســـري هـنــاه
-------------- ادّرج واقـنـص فـيــافـي طــريـقـي واشـتــوي

بيـن لــوقــه وزْهــوه..والاعـيـوج وامْـحــواه
-------------- لين الاجــرد والـهَــمَـل..لـيـن جــال المســتـوي

هـايـمٍ ما جـبـت لـحــدٍ خــبـر والاّ نـبـاه
-------------- مـرجـهـن والــراس مـن دلّـة الـبـن مـرتـــوي

ارقـب الـقـمـرا..واهـيـجـن..واطــوّح بالـعـصــاه
-------------- والـعـشــا فـوق الـمـلـيـلـه يـفــوح وْيســتـوي

يا سـقى الله سـكِّـتـه بالـبَـرَد والله يَـقــَــاه
-------------- شــرَّ الاعـين والكــدر والـحسـود المغتـوي

والله إنـه مـحـزمي بالشــدايـد والرخــاه
-------------- هـو خــويِّي بالخــلا حــيّـه الله مـن خــوي

له وسَـط قـلـبي مكـانـه..وله عشـق..وْغــلاه
-------------- صــاحبي واحفظ مـقـامــه واعــدّه لي ذَوي

لا نخـيـتـه دون كلّ الخــلايـق مـا هـقـاه
-------------- غير شهـم ٍ له مـعَ الكـيـف راس ٍ مـخــتوي

كم تـنـادمـنـا اللـيـالي وسـحـنا بالـحـيــاه
-------------- كم تقـاسمنا الشـقـا ..والطـرايد .. والشّـوي

[center] [img]https://2img.net/u/1111/16/99/04/smiles/1992454279.gif[/img]
[color=blue][size=24]
[color=blue]صح اللسانك على القصيده الرائعه مششششششششششششششششششششششششششششششششششششششششششششششششكورررررررررررررررررررررررررررررررر[/color]
[/size][/color][/center]

يعطيك العافيه ومشششششششششششششششششكور

» قصة الجيب الشراع بالصورة
» قصيده التي غنها الفنان خالد عبد الرحمن عشق بدوي لاحب ماهو بكذاب
» قصيده لشاعر عليى القحطاني عشق القمر حيث القمر ينبعث به نور